निःशुल्क सिन्धी भाषा ई-लर्निंग कोर्स जे इम्तिहान में अवल अचण वारे खे मिलंदो रु. 2100/- जो इनामु

व्हाट्सएप ग्रुप ‘अचो त सिन्धी सिखूं‘ में हिन वक़्त अटिकल 800 शागिर्द अध्ययन करे रहिया आहिनि।

free-sindhi-language-e-learning-course-final-examination-held-on-14-june

व्हाट्सएप ग्रुप ‘अचो त सिन्धी सिखूं‘ कोर्स ज़रीए सिन्धी भाषा सेखारण वारे कोर्स जो पको इम्तिहानु तारीखः 14 जून, 2020 जी सुबुह जो 10 वगे थींदो। जिनि शागिर्दनि खे पके इम्तिहान में हिसो वठिणो आहे उहे पंहिंजा बायोडेटा मोबाइल नम्बर 9928294960 ते शिक्षा सचिव मूलचंद बसंताणीअ खे मोकिले सघनि था।

जयपुर (विसं.)। सिन्धु संस्कृति प्रसार संस्था (रजिस्टर्ड), जयपुर जी अध्यक्ष डॉ. माला कैलाश बुधायो त संस्था पारां व्हाट्सएप ग्रुप ‘अचो त सिन्धी सिखूं‘ कोर्स ज़रीए सिन्धी भाषा सेखारण वारे कोर्स जो पको इम्तिहानु (Final Examination) तारीखः 14 जून, 2020 जी सुबुह जो 10 वगे थींदो।

डॉ. कैलाश बुधायो त इन इम्तिहान में अवल रहण वारे शागिर्द खे रुपयनि 2100/- जो, बियो नम्बर अचण वारे शागिर्द खे रुपयनि 1100/- जो, टिएं नम्बर वारे खे रुपयनि 501/- जो ऐं इनखां सिवान चोथें, पंजें ऐं छहें नम्बर वारे शागिर्द खे रुपयनि 251-251 जो इनामु डिनो वेंदो।

संस्था जे मुख्य संरक्षक सुंदर ठाकुर ऐं मुख्य संयोजक श्रीचंद दीवान कोर्स जी सफलता ते ख़ुशी ज़ाहिर कंदे शागिर्दनि खे पके इम्तिहान में विहण जी अपील कई आहे।

free-sindhi-language-e-learning-course-final-examination-held-on-14-june

महासचिव सुरेश रामरख्याणीअ बुधायो त व्हाट्सएप ग्रुप ‘अचो त सिन्धी सिखूं‘ में संस्थापक ऐं प्रवक्ता गोबिन्द राम माया 15 अप्रेल, 2020 खां हिन्दी माध्यम ज़रीए सिन्धी भाषा गाल्हाइणु, पढ़णु ऐं लिखणु सेखारे रहिया आहिनि। हिन कोर्स जे पके इम्तिहान जी तैयारीअ वास्ते तारीख़ 10 जून, 2020 बुधर डींहुं सुबुह जो मॉडल पेपरु जारी कयो वियो आहे।

रामरख्याणीअ बुधायो त पके इम्तिहान जो पेपरु मॉडल पेपर वांगुरु ई हूंदो। मॉडल पेपर में डिनल सुवालनि मां शागिर्दनि खे जंहिं बि सुवाल जो जेतिरो बि जवाबु अचे थो उहो ग्रुप में रखी सघे थो। मॉडल पेपर जा पूरा जवाब तारीख 12.06.2020 जो ग्रुप में डिना वेंदा। इनखां सिवाइ अगर पेपर बाबति बियो को बि सुवालु हुजे उहो बि ग्रुप ते पुछी सघिजे थों, जंहिंजो जवाबु गोबिन्दराम ‘माया‘, जेके हीउ कोर्स पढ़ाए रहिया आहिनि, ग्रुप ते ई डींदा।

शिक्षा सचिव मूलचंद बसंताणीअ बुधायो त हिन कोर्स जे मॉडल पेपर सां गडु सोरिहीं किस्त बि जारी कई वई आहे, जंहिंमें सिन्धू संस्कृतीअ सां वाबस्ता विषय, सिन्धी भाषा डींहुं, इष्ट देव भगवान श्री झूलेलाल ऐं टिड़ियल पखिड़ियल सिन्धी समाज खे हिक धागे में पूअण वारी महान शख़्सियत पद्मश्री प्रो. राम पंजवाणी जे जीवन ते आलेख मोकिलिया विया आहिनि।

व्हाट्सएप ग्रुप ‘अचो त सिन्धी सिखूं‘ में हिन वक़्त अटिकल 800 शागिर्द अध्ययन करे रहिया आहिनि। जिनि शागिर्दनि खे पके इम्तिहान में हिसो वठिणो आहे उहे पंहिंजा बायोडेटा मोबाइल नम्बर 9928294960 ते शिक्षा सचिव मूलचंद बसंताणीअ खे मोकिले सघनि था।

बायोडेटा में पंहिंजो नालो, पिता/पति जो नालो, शैक्षणिक योग्यता, उमिरि या जनम तारीख़, ईमेल आई.डी. ऐं मोबाइल नम्बर लिखिणो आहे। बायो डेटा मोबाइल 9928294960 ते मोकिलणा आहिनि।

कोई जवाब दें

Please enter your comment!
Please enter your name here